يقولكم كان في واحد ملقوف قالوله بنعطيك نص الكرة الأرضية قلهم والنص الثاني .......

طبعا ًحبيت أبدأ كلامي بالنكتة هاذي بس عشان إياك أعني وأسمعي ياجارة [ عسى ماتكون الجارة صنجة] ودق هنا يرتج هنا

أنا نفسي أطرح سؤال بس انتبهوا لا يطيح عليكم......

عيالكم مسوين مجلة وتعبانين فيها عشان يبغونكم تتثقفوا وتحاولو[تفهموا أحتياجاتهم ورغباتهم الشخصية بس.. بس.. بديت أحس أني أسامة الراضي!!]

أقولكم على بلاطة [وسيراميك تعرفوا لازم الواحد يتبع الموضة]ترى عيالكم في حاجة ماسة لكم مرة.. مرة....... 

يعني كل واحد حاط موضوع عشان تشاركونهم مشاعرهم وأنتم ولا شيء ياجبل مايهزك ريح !!!يعني إذا ما اهتميتوا بعيالكم ايش تبغوا بعمركم ولا خلاص كل واحد منكم صار ينقلو أبوية أو أمي وبس

والناس إللي شغلها الشاغل تعرف مين كتوموتو ايش يستفيدو لوعرفومين هو؟  عارفين هذا وش معناه أنو نحنا ناس تهتم بالظاهر بس مايهمنا الباطن يعني جذبكم اسم كتوموتو على الغلاف ونقرى الموضوع لكن طبقتو طبعا لا

لكن المواضيع الثانيةمانقرت ليش؟ هذا بس عشان كانت مكتوبة بأسماء موملفتةللنظر((عاد أنتو في اسم كتوموتو سويتوا أنتفاضة كيف لوكانت كل الأسماء غريبة كان مدى نصكم في غيبوبة والثاني حالةحرجةوتسيروا زي البدوية اللي سولها عملية فصلوا البرقع عن وجهها والبرقع سلم والبدوية في غيبوبة من قو ة الصدمة)) دخليكم راجعو نفسكم قبل ما يفوت الفوت ومعد ينفع الصوت.......وبلاش تضيعو شبابكم وشيبكم في مين هاذي ومشاء لله ياعليكم خيال واسع من خلال مافهمت من مصادري [أبوك يارأفت الهجان] أنو ناس تقول كتوموتو مصري من السودان [ترى مقوى على الثقافة] وناس حاولت  تفسر الاسم [كتويعني نكت ] بس [موتو ليش نموت] يعني مرة قفلت معاكم  جات على [موتو] موتو في عيالكم وحبوهم

ويا لهوي على الناس الزعلانة أنو الموضوع بلهجة عامية[جاك الموت ياتارك الصلاة] ياخي أنت أيش ضارك تراها اللهجة اللي تتكلم فيها في حياتك العادية ماظنيت أنك من جماعة مسلسل [صدق الله العظيم] وأنا يامثقف يامتعلم أخترت العامية بالذات عشان أختلاف درجات التعليم في العيلة الكريمة [واللي بيتوا من قزاز لايحذف الناس بالطوب]